النهارده كنت في مدينة المنصورة علشان اقدم اوراق موكل للتسجيل في السجل العيني وكنت قد قدمت اوراق السجل العيني مستوفاه وفوجئت بالمراجع الفني يرفض طلب التسجيل بحجة انه فيه اشياء لم يتم استيفائها بعد ولما اطلعت علي اعتراضات المراجع الفني وجدت انه نقلها نقل مسطرة من اعتراضات سابقة تم تنفيذها ولما واجهته بهذا الكلام ارغي وازبد وقال اصله انا اخاف من المسئولية طب ياعم المسئولية اللي انت بتتكلم فيها لو كان الورق ده مش متراجع قبل كده او انا جبته عن طريق وسايط وعاوز اتجاوز منطقة المراجعه الفنيه ولكن لما يكون الورق كله سليم والاختام واضحه يبقي اللي بتعمله ده تعطيل مصالح المواطنين والنبي ده بالذمه ينفع يتعامل مع المواطنين بقي اقول حاجه الورق ده ليه سنتين بيتراجع اي والله سنتين وانا منصورة رايح جاي
الاشتراك في:
تعليقات الرسالة (Atom)
ليست هناك تعليقات:
إرسال تعليق